يالخوي معنيك فالطرشّه=بالقصيد مسّير اجيوشه
حالتي مالحب ممتّشه=مثل لي محطوط فنعوشه
من وزا لي خافقي هشّه=غرنجي خلاني افدوشه
فالهوى وابلشني ابلّشه=ودنيته بالورد مفروشه
يوم خز بعينه وتغشى=شبت النيران مخروشه
ماخذٍ من نظرة الوحشا=من سهومٍ منه مطيوشه
لي غزالي خاطري ودشّه=ونبض فلبي اترّبع اعروشه
والحشا مثلك غدى فربشه=حايرٍ واعواقه اتحوشه
لا طبيب ولا دوى الورشه=ولا حروز بخط منقوشه
ولا علاج انحط في غرشه=فادني والنفس مغشوشه
ماعلمت ان الهوى وعرشه=له علوم اليوم مخشوشه
منبهر والقلب في دهشه=مثل من عايتبه اقروشه
يالخوي معنيك فالطرّشه=بالقصيد مسير اجيوشه
وسلامتكم..
_________________
موضوع: يالــــــــــــخــــــوي 
السبت أبريل 05, 2008 2:21 pm
