حرمّت عيني كراها والمبيت=لين بان الصبح وانزاح الظلام
مع سراة الليل بهمومي سريت=واللواضي تشعل فقلبي ضرام
زارني طيف الحبيّب وانتشيت=وانهمى دمعي مثل وبل الغمام
ماقويت الشاهد الله ماقويت=ولا على مثلي من امصابه ملام
انسبيت بحبهم غصب انسبيت=ودهّم تّل امعلوقي والعظام
ساعةٍ فيها من اللحظ انرميت=جارحن من خلف مرضوف اللثام
ليتني من عقبهم طبت وشفيت=ليتهم مّروا مرور اهل الكرام
علّقوني ان رضيت او ما رضيت=ومنهو مخّير وسط وبل السهام
رحت للموتر وليت اني دريت=علّني اعطيه بعض الاهتمام
حاضرن عالسلف وبالعيله مشيت=وصوب دار الخل حثيّت المشام
فوق عل ميتين بالسرعه عليت=ماشي امكلّز ومتناسي النظام
لين ما في دار مظنوني صحيت=عقب ساعه وربع محسوبه تمام
جيت له عاني ومن شوفه حييت=رحّب وثنّى وبادر بالسلام
قال مرحب من طلعت ايلين ييت=مرحبا ياحّي عالين المقام
ويل حالي يوم انا فيه التقيت=ولد من يرقوا بعزن واحترام
(قاف)(راء)(وفاء)(كافٍ)(لام)ريت=وابتديت العشق يمّه والهيام
واحتفيت ابسعد وقتي واهتنيت=والكّدر ولاّ وطاب اليه الغرام
ياالهي لك من الخاطر دعيت=تحفظه ياحافظن كل الانام
يعل داره يود همّاله يبيت=عشرة ايام ويطيب ابها المقام
وسلامتكم...
_________________
موضوع: سراة الليل 
السبت أبريل 05, 2008 2:20 pm
