دمع الفرح يا بو خليفه تنثّر=يوم ان رب العرش صانك من الجور
سلمّك ربي يالفلاحي من الشر= وانته على ماصابك اليوم ماجور
الكل يابونا على صحتّك سرّ=يالله عساك تعيش في انس وسرور
يالله عسى ايامك بخير تزخر=طول العمر ياشيخ ما تشكي قصور
كل يوم حبك وسط القلوب يكبر=حب كبيرٍ كله اخلاص وشعور
واحنا بحبك دايم بصدق نفخر=دايم ف شورك مول ما نخلف الشور
دانات سبع بحسنها دوم تسحر=اعليتها في شامخ المجد والنور
تشهد لك افعالك والامجاد تذكر=امسطراتٍ بالذهب فوق لسطور
غنالكم لي بالغوى دوم يبهر=ترف الصبا لي بالحسن فاق ع الحور
بو يادل من فوق متنه تحدّر=وفوعات وجناته رياحين وزهور
القول ياشيخ العرب عنك يقصر=لا ما يوفي فيك لو بعض لأمور
سلمك ربي يالفلاحي من الشر=وانته على ما صابك اليوم ماجور
--------------------------------------------------------------------------------
وسلامتكم...
موضوع: دمع الفرح يابو...... 
السبت أبريل 05, 2008 2:16 pm
